بیجنگ (نیوز ڈیسک) وزیراعظم عمران خان جو کہ پانچ روزہ دورے پر چین میں ہیں وہ شرپسند عناصر کے خلاف کارروائی نہ ہونے پر شدید برہم ہیں، انہوں نے متعلقہ اداروں کو دھرنوں کے دوران امن و امان خراب کرنے والوں کے خلاف فوری طور پر آپریشن کرنے کی ہدایات جاری کر دی ہیں،وزیراعظم پاکستان کے چین جانے سے ایک روز قبل سپریم کورٹ نے آسیہ بی بی کی بریت کا فیصلہ دیا تھا، جس پر تحریک لبیک نے احتجاجی مظاہروں کا سلسلہ شروع کر دیا تھا جس پر وزیراعظم عمران خان نے ایک مختصر تقریر کرکے امن و امان خراب کرنے سے منع کیا تھا، اب چین سے وزیراعظم عمران خان نے اداروں کو ہنگامی حکم جاری کرتے ہوئے گزشتہ چار روز میں ملک میں امن و امان خراب کرنے والوں کے خلاف آپریشن کا حکم دے دیا ہے۔ دوسری طرف وفاقی وزارت داخلہ نے شرپسند عناصر کے خلاف کارروائی کا آغاز بھی کر دیا ہے، وزیر مملکت برائے داخلہ شہریار آفریدی کی طرف سے ہدایات کے بعد ایف آئی اے اور متعلقہ ادارے شر پسند عناصر کی شناخت کا عمل مکمل کرنے میں مصروف ہیں۔ اس کے علاوہ جلاؤ گھیراؤ کرنے والوں اور سوشل میڈیا پر نفرت اور اشتعال انگیزی پھیلانے والوں کی شناخت بھی کی جا رہی ہے، جیسے ہی شناخت کا عمل مکمل ہو گا ان لوگوں کی گرفتاری کے لیے آپریشن کا آغاز کر دیا جائے گا۔ وزیراعظم عمران خان جو کہ پانچ روزہ دورے پر چین میں ہیں وہ شرپسند عناصر کے خلاف کارروائی نہ ہونے پر شدید برہم ہیں، انہوں نے متعلقہ اداروں کو دھرنوں کے دوران امن و امان خراب کرنے والوں کے خلاف فوری طور پر آپریشن کرنے کی ہدایات جاری کر دی ہیں، وزیراعظم پاکستان کے چین جانے سے ایک روز قبل سپریم کورٹ نے آسیہ بی بی کی بریت کا فیصلہ دیا تھا، جس پر تحریک لبیک نے احتجاجی مظاہروں کا سلسلہ شروع کر دیا تھا
2,046 total views, 2 views today