اسلام آباد: ترجمان دفتر خارجہ ڈاکٹر فیصل کا کہنا ہے کہ آئی ایس پی آرسے واضح بیان آچکا ہے کہ ڈرون حملہ ہوا تو موثر جواب دیا جائے گا۔دفترخارجہ اسلام آباد میں ہفتہ وار پریس بریفنگ کے دوران ڈاکٹر فیصل نے کہا کہ دہشت گردی کے خلاف پاکستان کی قربانیاں ڈھکی چھپی نہیں، پاکستان نے امریکی صدر کے ٹویٹ پر امریکی سفیر کو طلب کرکے احتجاج ریکارڈ کرایا ہے۔امریکی امداد کی بندش سے متعلق ڈاکٹرمحمد فیصل نے کہا کہ ہماری خارجہ پالیسی کا تعین اقتصادی پالیسی کے تحت نہیں کیا جاتا، زندہ قومیں چیلنجز کا مقابلہ خندہ پیشانی سے کرتی ہیں،امریکا کی جانب سے امداد کی فراہمی پر تفصیلی ریکارڈ جاری کیا جائے گا۔ ممکنہ امریکی ڈرون حملے کے حوالے سے سوال پرترجمان دفترخارجہ کا کہنا تھا کہ آئی ایس پی آرسے واضح بیان آچکا ہے کہ ڈرون حملہ ہوا تو موثر جواب دیا جائے گا۔
ترجمان دفتر خارجہ نے کہا کہ پاکستان میں چین کے فوجی اڈے بنانے کا کوئی منصوبہ زیرغور نہیں اور نا ہی گوادر یا اس کے نواحی علاقوں میں فوجی اڈے بنانے سے متعلق چین کی کوئی درخواست ملی ہے، چند عناصرکی جانب سے اس ترقیاتی منصوبے پرافواہیں پھیلائی جارہی ہیں۔
1,424 total views, 2 views today