ولنگٹن: نیوزی لینڈ کے خلاف ون ڈے سیریز کے پہلے میچ میں پاکستان ٹیم 316 رنز کے تعاقب میں مشکلات کا شکار ہو گئی۔بیسن ریزرو اسٹیڈیم میں کھیلے جا رہے پہلے ون ڈے میچ میں پاکستان ٹیم ابتدا ہی میں مشکلات کا شکار ہو گئی، صرف 37 رنز پر 4 کھلاڑی پویلین لوٹ گئے۔ اوپنر اظہر علی کے 6 رنز، محمد حفیظ 1، شعیب ملک 13 جب کہ بابر اعظم کھاتہ کھولے بغیرہی واپس لوٹ گئے۔اس سے قبل کپتان سرفراز احمد نے ٹاس جیت کر پہلے فیلڈنگ کا فیصلہ کیا۔ نیوزی لینڈ نے پاکستان کے خلاف پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 315 رنز بنائے اور پاکستان کو جیتنے کے لیے 316 رنز کا ہدف دے دیا۔
اس سے قبل کپتان سرفراز احمد نے ٹاس جیت کر پہلے فیلڈنگ کا فیصلہ کیا۔ نیوزی لینڈ نے پاکستان کے خلاف پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 315 رنز بنائے اور پاکستان کو جیتنے کے لیے 316 رنز کا ہدف دے دیا۔
میچ کی ابتدا میں کیوی بلے بازوں مارٹن گپٹل اور کولن منرو نے ٹیم کو 83 رنز کا آغاز فراہم کیا، کولن منرو 58 رنز بنا کر حسن علی کا شکار ہوئے، بعدازاں مارٹن گپٹل 48 رنز بناکر فخر زمان کی گیند پر کیچ آؤٹ اور روس ٹیلر 12 رنز بنا کر حسن علی کی گیند پر بولڈ ہوئے، ٹام لیتھم صرف 3رنز بنا کر فہیم اشرف کی گیند پر کیچ آؤٹ ہوگئے، سنچری بنانے والے کیوی کپتان کین ولیم سن 115 رنز بنا کر رمان رئیس کے گیند پر کیچ دے بیٹھے اور کچھ دیر بعد ہی ہینری نکہولس نصف سنچری بنا کر حسن علی کا شکار ہوگئے اس کے بعد کیوی کھلاڑی مچل سینٹنر صرف 7 رنز بنا سکے اور محمد عامر کی گیند پر کیچ آؤٹ ہوگئے جب کہ ٹم ساؤتھی 12 رنز کے ساتھ وکٹ پر موجود رہے۔
قبل ازیں پاکستانی قائد سرفراز احمد کا کہنا تھا کہ نیوزی لینڈ کو 200 رنز تک محدود کرنے کی کوشش کریں گے، انہوں نے بتایا کہ ٹیم میں کچھ تبدیلیاں کی گئی ہیں جس میں احمد شہزاد کی جگہ اظہر علی اور سیریز سے قبل زخمی ہونیوالے فاسٹ بالر محمد عامر کو ریکوری کے بعد ٹیم میں شامل کیا گیا ہے جب کہ فاسٹ بولرز عثمان خان اور جنید خان زخمی ہونے کی وجہ سے ٹیم کا حصہ نہیں، عماد وسیم بھی اسکواڈ میں شامل نہیں جن کی جگہ اسپنر محمد نواز اور عامر یامین کو ٹیم میں شامل کیا گیا ہے۔
1,476 total views, 2 views today
