نیب کی جانب سے ریکور کی گئی رقم میں سے 815 ارب روپے قومی خزانہ میں جمع

سینٹر طلحہ محمود کی زیر صدارت سینیٹ کی قائمہ کمیٹی خزانہ کے اجلاس میں وزارت خزانہ حکام نے بتایاکہ نیب کی جانب سے فراہم کردہ معلومات کے مطابق اپنے قیام سے ستمبر2021 تک 821 ارب روپے سے زائد کی ریکوری کی ہے۔ بینکوں کے قرض ڈیفالٹرز سے 121 ارب روپے قرضوں کی ری اسٹرکچرنگ کی مد میں 59 ارب روپے ریکورکئے۔

حکام نے بتایا کہ عدالتوں نے 46 ارب روپے کے جرمانے لگائے۔ ان ڈائریکٹ ریکوری کی مد میں 500 ارب کی ریکوری ہوئی ۔نیب سے 815 ارب روپے کی ریکوریز سے متعلق پوچھاجائے کیونکہ نیب خود مختار ادارہ ہے۔ وزارت خزانہ کو کوئی علم نہیں ہے۔