ﺩﻭﺳﻮ ﮐﮯ ﻗﺮﯾﺐ ﻟﻮﮔﻮﮞ ﻧﮯ ﮐﮭﺎﻧﺴﯽ ﮐﯽ ﺍﯾﮏ ﺩﻭﺍﺀﺍﺳﺘﻌﻤﺎﻝ ﮐﯽ ﺍﻭﺭ ﺍﻥ ﻣﯿﮟ ﺳﮯ 40ﻟﻮﮒ ﮨﻼﮎ ﮨﻮ ﮔﺌﮯ، ﺣﮑﻮﻣﺖ ﻧﮯ ﺗﺤﻘﯿﻘﺎﺕ ﮐﯿﮟ ‘ ﭘﺘﮧ ﭼﻼ ﯾﮧ ﺩﻭﺍﺀﭼﯿﻦ ﺳﮯ ﺩﺭﺁﻣﺪ ﮨﻮﺋﯽ ﺗﮭﯽ ﺍﻭﺭ ﯾﮧ ﻣﻀﺮ ﺻﺤﺖ ﺗﮭﯽ ‘ ﺣﮑﻮﻣﺖ ﻧﮯ ﭼﯿﻦ ﮐﮯ ﺳﻔﯿﺮ ﮐﻮ ﻃﻠﺐ ﮐﺮ ﻟﯿﺎ ‘
ﺳﻔﯿﺮ ﻧﮯ ﺍﭘﻨﯽ ﺣﮑﻮﻣﺖ ﮐﻮ ﺍﯼ ﻣﯿﻞ ﮐﺮ ﺩﯼ ‘ ﭼﯿﻨﯽ ﺣﮑﻮﻣﺖ ﻧﮯ ﺗﻔﺘﯿﺶ ﺷﺮﻭﻉ ﮐﯽ ‘ ﺍﯾﮏ ﮨﻔﺘﮯ ﻣﯿﮟ ﺻﻮﺭﺗﺤﺎﻝ ﮐﮭﻞ ﮐﺮ ﺳﺎﻣﻨﮯ ﺁ ﮔﺌﯽ ‘ ﻣﻌﻠﻮﻡ ﮨﻮﺍ ﭼﯿﻦ ﮐﯽ ﻓﻮﮈ ﺍﯾﻨﮉ ﮈﺭﮒ ﺍﺗﮭﺎﺭﭨﯽ ﻣﯿﮟ ﮊﯾﻨﮓ ﮊﯾﺎﻧﻮ ﻧﺎﻡ ﮐﺎ ﺍﯾﮏ ﮈﺍﺋﺮﯾﮑﭩﺮ ﺗﮭﺎ ‘ ﯾﮧ ﺷﺨﺺ ﮐﺮﭘﭧ ﺗﮭﺎ ‘
ﺍﺱ ﻧﮯ 8 ﺍﺩﻭﯾﺎﺕ ﺳﺎﺯ ﮐﻤﭙﻨﯿﻮﮞ ﺳﮯ ﺳﺎﮌﮬﮯ ﺁﭨﮫ ﻻﮐﮫ ﮈﺍﻟﺮ ﺭﺷﻮﺕ ﻟﯽ ﺍﻭﺭ ﺩﻭ ﺩﺭﺟﻦ ﺍﺩﻭﯾﺎﺕ ﮐﯽ ﻣﻨﻈﻮﺭﯼ ﺩﮮ ﺩﯼ ‘ ﯾﮧ ﺩﻭﺍﺀﺑﮭﯽ ﺍﻥ ﺍﺩﻭﯾﺎﺕ ﻣﯿﮟ ﺷﺎﻣﻞ ﺗﮭﯽ ‘ ﮊﯾﻨﮓ ﮊﯾﺎﻧﻮ ﺍﺱ ﻭﻗﺖ ﺗﮏ ﺭﯾﭩﺎﺋﺮ ﮨﻮ ﭼﮑﺎ ﺗﮭﺎ ‘ ﭘﻮﻟﯿﺲ ﻧﮯ ﭼﮭﺎﭘﮧ ﻣﺎﺭﺍ ﺍﻭﺭ ﺍﺳﮯ ﮔﺮﻓﺘﺎﺭ ﮐﺮ ﻟﯿﺎ ‘
ﻣﺰﯾﺪ ﺗﺤﻘﯿﻘﺎﺕ ﮨﻮﺋﯿﮟ ﺗﻮ ﻣﺰﯾﺪ ﺍﻧﮑﺸﺎﻑ ﮨﻮﺍ ﮐﺎﺅ ﺯﯾﻦ ﺯﻭﻧﮓ ﻧﺎﻡ ﮐﺎ ﺍﯾﮏ ﺍﻭﺭ ﮈﺍﺋﺮﯾﮑﭩﺮ ﺑﮭﯽ ﺍﺱ ﻣﮑﺮﻭﮦ ﺩﮬﻨﺪﮮ ﻣﯿﮟ ﺷﺎﻣﻞ ﺗﮭﺎ ‘ ﻭﮦ ﺑﮭﯽ ﻏﯿﺮ ﻣﻌﯿﺎﺭﯼ ﺍﺩﻭﯾﺎﺕ ﮐﯽ ﻣﻨﻈﻮﺭﯼ ﺩﯾﺘﺎ ﺭﮨﺎ ‘
ﺣﮑﻮﻣﺖ ﻧﮯ ﺍﺳﮯ ﺑﮭﯽ ﮔﺮﻓﺘﺎﺭ ﮐﺮ ﻟﯿﺎ ‘ ﯾﮧ ﻣﻠﺰﻣﺎﻥ ﺩﻭ ﮨﻔﺘﻮﮞ ﻣﯿﮟ ﻣﺠﺮﻡ ﺛﺎﺑﺖ ﮨﻮ ﮔﺌﮯ ‘ ﺣﮑﻮﻣﺖ ﻧﮯ ﮐﯿﺲ ﻋﺪﺍﻟﺖ ﻣﯿﮟ ﭘﯿﺶ ﮐﺮ ﺩﯾﺎ ‘ ﻋﺪﺍﻟﺖ ﻧﮯ ﮊﯾﻨﮓ ﺍﻭﺭ ﮐﺎﺅ ﮐﻮ ﺳﺰﺍﺋﮯ ﻣﻮﺕ ﺩﮮ ﺩﯼ ‘ ﮊﯾﻨﮓ ﻧﮯ ﺳﺰﺍ ﮐﮯ ﺧﻼﻑ ﺍﭘﯿﻞ ﺩﺍﺋﺮ ﮐﺮ ﺩﯼ ‘
ﮊﯾﻨﮓ ﮐﺎ ﮐﮩﻨﺎ ﺗﮭﺎ ” ﻣﯿﮟ ﺍﭘﻨﺎ ﺟﺮﻡ ﺗﺴﻠﯿﻢ ﮐﺮﺗﺎ ﮨﻮﮞ ﻟﯿﮑﻦ ﻣﯿﺮﯼ ﻭﺟﮧ ﺳﮯ ﮐﻮﺋﯽ ﭼﯿﻨﯽ ﺷﮩﺮﯼ ﮨﻼﮎ ﻧﮩﯿﮟ ﮨﻮﺍ ‘ ﻣﯿﺮﮮ ﺧﻼﻑ ﮐﻮﺋﯽ ﭼﯿﻨﯽ ﻣﺪﻋﯽ ﺑﮭﯽ ﻣﻮﺟﻮﺩ ﻧﮩﯿﮟ ﻟﮩٰﺬﺍ ﻣﯿﺮﮮ ﺟﺮﻡ ﮐﮯ ﻣﻘﺎﺑﻠﮯ ﻣﯿﮟ ﻣﯿﺮﯼ ﺳﺰﺍ ﺯﯾﺎﺩﮦ ﮨﮯ ‘ ﻣﯿﺮﮮ ﺳﺎﺗﮫ ﺭﻋﺎﯾﺖ ﮐﯽ ﺟﺎﺋﮯ “
ﻋﺪﺍﻟﺖ ﻧﮯ ﺩﻭ ﮨﻔﺘﮯ ﻣﯿﮟ ﺍﺱ ﮐﯽ ﺍﭘﯿﻞ ﻧﺒﭩﺎ ﺩﯼ ‘ ﺟﺞ ﻧﮯ ﺍﭘﻨﮯ ﻓﯿﺼﻠﮯ ﻣﯿﮟ ﻟﮑﮭﺎ ” ﯾﮧ ﺷﺨﺺ ﻧﮧ ﺻﺮﻑ ﺍﻧﺴﺎﻧﯽ ﺟﺎﻧﻮﮞ ﮐﺎ ﻗﺎﺗﻞ ﮨﮯ ﺑﻠﮑﮧ ﺍﺱ ﮐﯽ ﻭﺟﮧ ﺳﮯ ﭘﻮﺭﯼ ﺩﻧﯿﺎ ﻣﯿﮟ ﭼﯿﻦ ﮐﯽ ﺑﺪﻧﺎﻣﯽ ﺑﮭﯽ ﮨﻮﺋﯽ ﭼﻨﺎﻧﭽﮧ ﯾﮧ ﺩﺭﻧﺪﮦ ﺻﻔﺖ ﺍﻧﺴﺎﻥ ﺭﻋﺎﯾﺖ ﮐﮯ ﻗﺎﺑﻞ ﻧﮩﯿﮟ “
ﺣﮑﻮﻣﺖ ﻧﮯ ﺍﭘﯿﻞ ﻣﺴﺘﺮﺩ ﮨﻮﻧﮯ ﮐﮯ ﺑﻌﺪ ﮊﯾﻨﮓ ﮐﻮ ﮔﻮﻟﯽ ﻣﺎﺭ ﮐﺮ ﮨﻼﮎ ﮐﺮ ﺩﯾﺎ ﺟﺒﮑﮧ ﺩﻭﺳﺮﮮ ﻣﻠﺰﻡ ﮐﺎﺅ ﮐﻮ ﺑﮭﯽ ﭼﻨﺪ ﮨﻔﺘﮯ ﺑﻌﺪ ﺩﻭﺳﺮﯼ ﺩﻧﯿﺎ ﺑﮭﺠﻮﺍ ﺩﯾﺎ ﮔﯿﺎ ‘
ﯾﮧ ﮐﯿﺲ ﺟﺘﻨﺎ ﻋﺮﺻﮧ ﭼﻠﺘﺎ ﺭﮨﺎ ﭼﯿﻨﯽ ﻣﯿﮉﯾﺎ ﺍﺩﻭﯾﺎﺕ ﺍﻭﺭ ﻓﻮﮈ ﺍﯾﻨﮉ ﮈﺭﮒ ﺍﺗﮭﺎﺭﭨﯽ ﮐﮯ ﺳﺎﺑﻖ ﮈﺍﺋﺮﯾﮑﭩﺮﺯ ﮐﯽ ﺧﺒﺮﯾﮟ ﺷﺎﺋﻊ ﮐﺮﺗﺎ ﺭﮨﺎ ﯾﻮﮞ ﭼﯿﻦ ﻣﯿﮟ ﺧﺎﺻﺎ ﻣﻘﺒﻮﻝ ﮨﻮ ﮔﯿﺎ ‘
ﺁﭖ ﺍﺱ ﮐﯿﺲ ﮐﺎ ﮐﻤﺎﻝ ﺩﯾﮑﮭﺌﮯ ‘
ﭼﯿﻦ ﻧﮯ ﺩﺱ ﮨﺰﺍﺭ ﮐﻠﻮ ﻣﯿﭩﺮ ﺩﻭﺭ ﺍﯾﮏ ﺩﻭﺳﺮﮮ ﻣﻠﮏ ﻣﯿﮟ ﺍﺩﻭﯾﺎﺕ ﮐﮯ ﺍﺳﺘﻌﻤﺎﻝ ﺳﮯ ﻣﺮﻧﮯ ﻭﺍﻟﮯ ﻟﻮﮔﻮﮞ ﮐﮯ ﺑﺪﻟﮯ ﺍﭘﻨﮯ ﺩﻭ ﺭﯾﭩﺎﺋﺮ ﺍﻓﺴﺮﻭﮞ ﮐﻮ ﺳﺰﺍﺋﮯ ﻣﻮﺕ ﺩﮮ ﺩﯼ ‘ ﮐﯿﻮﮞ؟
ﮐﯿﻮﻧﮑﮧ ﭼﯿﻦ ﺳﻤﺠﮭﺘﺎ ﺗﮭﺎ ﯾﮧ ﻟﻮﮒ ﻣﻠﮏ ﮐﯽ ﺑﺪﻧﺎﻣﯽ ﮐﺎ ﺑﺎﻋﺚ ﺑﻨﮯ ﮨﯿﮟ۔
ﺁﭖ ﺍﺏ ﭘﺎﮐﺴﺘﺎﻥ ﮐﯽ ﻣﺜﺎﻝ ﻟﯿﺠﺌﮯ۔
ﻻﮨﻮﺭ ﻣﻠﮏ ﮐﺎ ﺩﻭﺳﺮﺍ ﺑﮍﺍ ﺷﮩﺮ ﮨﮯ ‘ ﻣﯿﻮ ﮨﺎﺳﭙﭩﻞ ﺍﺱ ﺷﮩﺮ ﮐﺎ ﻗﺪﯾﻢ ﺗﺮﯾﻦ ﮨﺴﭙﺘﺎﻝ ﮨﮯ ‘ ﺍﻧﮑﺸﺎﻑ ﮨﻮﺍ ﻣﯿﻮ ﮨﺴﭙﺘﺎﻝ ﻣﯿﮟ ﺩﻝ ﮐﮯ ﻣﺮﯾﻀﻮﮞ ﮐﻮ ﺟﻌﻠﯽ ﺳﭩﻨﭧ ﮈﺍﻟﮯ ﺟﺎﺗﮯ ﮨﯿﮟ ‘ ﯾﮧ ﺍﻧﮑﺸﺎﻑ ﺍﯾﻒ ﺁﺋﯽ ﺍﮮ ﮐﯽ ﺍﯾﮏ ﭨﯿﻢ ﻧﮯ ﮐﯿﺎ ‘ ﺍﯾﻒ ﺁﺋﯽ ﺍﮮ ﮐﺎ ﺍﯾﮏ ﺻﺤﺖ ﻣﻨﺪ ﺍﺳﺴﭩﻨﭧ ﮈﺍﺋﺮﯾﮑﭩﺮ ﻣﺮﯾﺾ ﺑﻦ ﮐﺮ ﮨﺴﭙﺘﺎﻝ ﮔﯿﺎ ‘ ﺍﻣﺮﺍﺽ ﻗﻠﺐ ﮐﮯ ﺷﻌﺒﮯ ﻧﮯ ﻣﻌﺎﺋﻨﮧ ﮐﯿﺎ ﺍﻭﺭ ﺍﺳﮯ ﺩﻝ ﮐﺎ ﻣﺮﯾﺾ ﮈﮐﻠﯿﺌﺮ ﮐﺮ ﺩﯾﺎ۔ ” ﻣﺮﯾﺾ “ ﮐﻮ ﺳﭩﻨﭧ ﮈﻟﻮﺍﻧﮯ ﮐﺎ ﻣﺸﻮﺭﮦ ﺩﯾﺎ ﮔﯿﺎ ‘
ﺍﺳﺴﭩﻨﭧ ﮈﺍﺋﺮﯾﮑﭩﺮ ﻣﯿﻮ ﮨﺎﺳﭙﭩﻞ ﺳﮯ ﭘﺮﺍﺋﯿﻮﯾﭧ ﮐﻠﯿﻨﮏ ﮔﯿﺎ ‘ ﮐﻠﯿﻨﮏ ﮐﯽ ﻣﺸﯿﻨﻮﮞ ﻧﮯ ﺍﺳﮯ ﻣﮑﻤﻞ ﺻﺤﺖ ﻣﻨﺪ ﻗﺮﺍﺭ ﺩﮮ ﺩﯾﺎ ‘
ﺍﯾﻒ ﺁﺋﯽ ﺍﮮ ﻧﮯ ﺗﺤﻘﯿﻘﺎﺕ ﺷﺮﻭﻉ ﮐﺮ ﺩﯾﮟ ‘ ﭘﺘﮧ ﭼﻼ ﮨﺴﭙﺘﺎﻝ ﻣﯿﮟ ﮈﺍﮐﭩﺮﻭﮞ ﺍﻭﺭ ﻃﺒﯽ ﻋﻤﻠﮯ ﮐﺎ ﺍﯾﮏ ﮔﯿﻨﮓ ﮐﺎﻡ ﮐﺮﺭﮨﺎ ﮨﮯ ‘ ﮔﯿﻨﮓ ﻣﯿﮟ ﭘﺮﻭﻓﯿﺴﺮ ﺑﮭﯽ ﺷﺎﻣﻞ ﮨﯿﮟ ‘ ﯾﮧ ﻟﻮﮒ ﻣﺮﯾﻀﻮﮞ ﮐﻮ ﺟﻌﻠﯽ ﺳﭩﻨﭧ ﻟﮕﺎﺗﮯ ﮨﯿﮟ ‘ ﮨﺴﭙﺘﺎﻝ ﮐﻮ ﺍﯾﮏ ﮐﻤﭙﻨﯽ ﺟﻌﻠﯽ ﺍﻭﺭ ﻏﯿﺮ ﻣﻌﯿﺎﺭﯼ ﺳﭩﻨﭧ ﻓﺮﺍﮨﻢ ﮐﺮﺗﯽ ﮨﮯ ‘ ﯾﮧ ﺳﭩﻨﭧ ﭼﮫ ﮨﺰﺍﺭ ﺭﻭﭘﮯ ﻣﺎﻟﯿﺖ ﮐﮯ ﮨﻮﺗﮯ ﮨﯿﮟ ﻟﯿﮑﻦ ﻣﺮﯾﺾ ﺳﮯ ﺩﻭ ﻻﮐﮫ ﺭﻭﭘﮯ ﻭﺻﻮﻝ ﮐﺌﮯ ﺟﺎﺗﮯ ﮨﯿﮟ ‘ ﭘﺮﻭﻓﯿﺴﺮﻭﮞ ﻧﮯ ﺳﭩﻨﭧ ﻓﺮﺍﮨﻢ ﮐﺮﻧﮯ ﻭﺍﻟﯽ ﮐﻤﭙﻨﯽ ﮐﻮ ﮨﺴﭙﺘﺎﻝ ﻣﯿﮟ ﺑﺎﻗﺎﻋﺪﮦ ﮐﻤﺮﮦ ﺩﮮ ﺭﮐﮭﺎ ﮨﮯ ‘ ﺍﯾﻒ ﺁﺋﯽ ﺍﮮ ﻧﮯ ﺍﺱ ﮐﻤﺮﮮ ﭘﺮ ﭼﮭﺎﭘﮧ ﻣﺎﺭﺍ ﺍﻭﺭ ﭼﺎﺭ ﮐﺮﻭﮌ ﺭﻭﭘﮯ ﻣﺎﻟﯿﺖ ﮐﮯ ﺳﭩﻨﭧ ﺑﺮﺁﻣﺪ ﮐﺮ ﻟﺌﮯ ‘ ﺍﻥ ﺳﭩﻨﭩﺲ ﭘﺮ ﮐﺴﯽ ﮐﻤﭙﻨﯽ ﮐﺎ ﻧﺎﻡ ﭼﮭﭙﺎ ﺗﮭﺎ ﺍﻭﺭ ﻧﮧ ﮨﯽ ﺍﯾﮑﺴﭙﺎﺋﺮﯼ ﮈﯾﭧ ﺩﺭﺝ ﺗﮭﯽ ‘ ﯾﮧ ﺩﮬﻨﺪﮦ ﺑﺮﺳﻮﮞ ﺳﮯ ﺟﺎﺭﯼ ﺗﮭﺎ ‘
ﯾﮧ ﻟﻮﮒ ﮨﺰﺍﺭﻭﮞ ﻣﺮﯾﻀﻮﮞ ﮐﻮ ﺟﻌﻠﯽ ﺍﻭﺭ ﻏﯿﺮ ﻣﻌﯿﺎﺭﯼ ﺳﭩﻨﭧ ﻟﮕﺎ ﭼﮑﮯ ﺗﮭﮯ ‘ ﺍﯾﻒ ﺁﺋﯽ ﺍﮮ ﮐﻮ ﻣﻌﻠﻮﻡ ﮨﻮﺍ ﯾﮧ ﺟﻌﻞ ﺳﺎﺯ ﺻﺤﺖ ﻣﻨﺪ ﻟﻮﮔﻮﮞ ﮐﻮ ﺑﮭﯽ ﻣﺮﯾﺾ ﮈﮐﻠﯿﺌﺮ ﮐﺮ ﮐﮯ ﺍﻧﮩﯿﮟ ﺳﭩﻨﭧ ﻟﮕﺎ ﺩﯾﺘﮯ ﮨﯿﮟ ﺍﻭﺭ ﻭﮦ ﺑﮯ ﭼﺎﺭﮦ ﺻﺤﺖ ﻣﻨﺪ ﺷﺨﺺ ﭘﻮﺭﯼ ﺯﻧﺪﮔﯽ ﺩﻝ ﮐﯽ ﺍﺩﻭﯾﺎﺕ ﺍﺳﺘﻌﻤﺎﻝ ﮐﺮﺗﺎ ﺭﮨﺘﺎ ﮨﮯ ‘
ﭘﺘﮧ ﭼﻼ ﯾﮧ ﺳﻠﺴﻠﮧ ﺻﺮﻑ ﺍﯾﮏ ﮨﺴﭙﺘﺎﻝ ﺗﮏ ﻣﺤﺪﻭﺩ ﻧﮩﯿﮟ ﺑﻠﮑﮧ ﻣﻠﮏ ﻣﯿﮟ ﺍﯾﺴﮯ ﺩﺭﺟﻨﻮﮞ ﮨﺴﭙﺘﺎﻝ ﻣﻮﺟﻮﺩ ﮨﯿﮟ ﺟﮩﺎﮞ ﺑﺮﺳﻮﮞ ﺳﮯ ﯾﮧ ﺩﮬﻨﺪﮦ ﺟﺎﺭﯼ ﮨﮯ ‘ ﯾﮧ ﺍﯾﮏ ﻣﺜﺎﻝ ﺗﮭﯽ ‘ ﺁﭖ ﺍﮔﺮ ﺗﮭﻮﮌﯼ ﺳﯽ ﮔﮩﺮﺍﺋﯽ ﻣﯿﮟ ﺟﺎ ﮐﺮ ﺩﯾﮑﮭﯿﮟ ﺗﻮ ﺁﭖ ﮐﻮ ﭘﺎﮐﺴﺘﺎﻥ ﮐﮯ ﺍﮐﺜﺮ ﮨﺴﭙﺘﺎﻝ ﺳﻼﭨﺮ ﮨﺎﺅﺱ ﺍﻭﺭ ﮈﺍﮐﭩﺮ ﻗﺼﺎﺋﯽ ﻧﻈﺮ ﺁﺋﯿﮟ ﮔﮯ ‘
ﺁﭖ ﮐﺴﯽ ﺩﻥ ﺩﻭﺑﺌﯽ ﭼﻠﮯ ﺟﺎﺋﯿﮟ ‘ ﺁﭖ ﻭﮨﺎﮞ ﺍﭘﻨﺎ ﻣﯿﮉﯾﮑﻞ ﭨﯿﺴﭧ ﮐﺮﺍﺋﯿﮟ ﺍﻭﺭ ﺍﺱ ﮐﮯ ﺑﻌﺪ ﭘﺎﮐﺴﺘﺎﻧﯽ ﮨﺴﭙﺘﺎﻟﻮﮞ ﺍﻭﺭ ﻟﯿﺒﺎﺭﭨﺮﯾﻮﮞ ﻣﯿﮟ ﭼﻠﮯ ﺟﺎﺋﯿﮟ ‘
ﺁﭖ ﯾﮧ ﺩﯾﮑﮫ ﮐﺮ ﺣﯿﺮﺍﻥ ﺭﮦ ﺟﺎﺋﯿﮟ ﮔﮯ ﺁﭖ ﮐﻮ ﺩﻝ ﮐﺎ ﮈﺍﮐﭩﺮ ﺩﻝ ‘ ﺁﻧﮑﮫ ﮐﺎ ﮈﺍﮐﭩﺮ ﺁﻧﮑﮫ ‘ ﮔﺮﺩﮮ ﮐﺎ ﮈﺍﮐﭩﺮ ﮔﺮﺩﮮ ‘ ﺟﮕﺮ ﮐﺎ ﮈﺍﮐﭩﺮ ﺟﮕﺮ ﺍﻭﺭ ﺩﻣﺎﻍ ﮐﺎ ﮈﺍﮐﭩﺮ ﺩﻣﺎﻏﯽ ﻣﺮﯾﺾ ﻗﺮﺍﺭ ﺩﮮ ﺩﮮ ﮔﺎ ‘ ﯾﮧ ﻟﻮﮒ ﺁﭖ ﮐﻮ ﻻﮐﮫ ﺩﻭ ﻻﮐﮫ ﺭﻭﭘﮯ ﮐﺎ ﻧﺴﺨﮧ ﺑﮭﯽ ﻟﮑﮫ ﺩﯾﮟ ﮔﮯ ‘ ﺁﭖ ﮐﺴﯽ ﺩﻥ ﭘﺎﮐﺴﺘﺎﻧﯽ ﻟﯿﺒﺎﺭﭨﺮﯾﺰ ﮐﯽ ﺭﭘﻮﺭﭨﺲ ﮐﺎ ﺗﺠﺰﯾﮧ ﺑﮭﯽ ﮐﺮ ﻟﯿﮟ ‘ ﺁﭖ ﺍﮔﺮ ﻣﺮﯾﺾ ﮨﯿﮟ ﺗﻮ ﯾﮧ ﻟﯿﺒﺎﺭﭨﺮﯾﺎﮞ ﺁﭖ ﮐﻮ ﺻﺤﺖ ﻣﻨﺪ ﺍﻭﺭ ﺁﭖ ﺍﮔﺮ ﺻﺤﺖ ﻣﻨﺪ ﮨﯿﮟ ﺗﻮ ﯾﮧ ﺁﭖ ﮐﻮ ﻣﺮﯾﺾ ﻗﺮﺍﺭ ﺩﮮ ﺩﯾﮟ ﮔﯽ ‘
ﺁﭖ ﮐﻮ ﯾﮧ ﻓﺮﻕ ﺍﺩﻭﯾﺎﺕ ﮐﮯ ﻣﻌﯿﺎﺭ ﻣﯿﮟ ﺑﮭﯽ ﻣﻠﮯ ﮔﺎ ‘
ﺁﭖ ﮐﻮ ﯾﮧ ﻓﺮﻕ ﮈﺳﭙﺮﯾﻦ ﻣﯿﮟ ﺑﮭﯽ ﻣﻠﮯ ﮔﺎ ‘ ﺁﭖ ﺍﻣﭙﻮﺭﭨﮉ ﮈﺳﭙﺮﯾﻦ ﺍﺳﺘﻌﻤﺎﻝ ﮐﺮﯾﮟ ﺍﻭﺭ ﺍﺱ ﮐﮯ ﺑﻌﺪ ﭘﺎﮐﺴﺘﺎﻧﯽ ﮈﺳﭙﺮﯾﻦ ﮐﮭﺎﺋﯿﮟ ﺁﭖ ﮐﻮ ﻓﺮﻕ ﺟﺎﻧﻨﮯ ﻣﯿﮟ ﭼﻨﺪ ﻣﻨﭧ ﻟﮕﯿﮟ ﮔﮯ ‘
ﺁﭖ ﮐﻮ ﯾﮧ ﻓﺮﻕ ﺧﻮﺭﺍﮎ ﻣﯿﮟ ﺑﮭﯽ ﻣﻠﮯ ﮔﺎ ‘ ﭘﺎﮐﺴﺘﺎﻥ ﻣﯿﮟ ﺑﭽﻮﮞ ﮐﻮ ﺍﺏ ﻣﺎﮞ ﮐﺎ ﺩﻭﺩﮪ ﺑﮭﯽ ﺧﺎﻟﺺ ﻧﮩﯿﮟ ﻣﻠﺘﺎ ‘ ﺻﺎﺑﻦ ﺑﻨﺎﻧﮯ ﻭﺍﻟﯽ ﻓﯿﮑﭩﺮﯾﺎﮞ ﯾﻮﺭﭖ ﺳﮯ ﺍﺳﺘﻌﻤﺎﻝ ﺷﺪﮦ ﮔﮭﯽ ﺍﻭﺭ ﮐﻮﮐﻨﮓ ﺁﺋﻞ ﻣﻨﮕﻮﺍﺗﯽ ﮨﯿﮟ ‘ ﯾﮧ ﺁﺋﻞ ﺍﺳﺘﻌﻤﺎﻝ ﮐﮯ ﻗﺎﺑﻞ ﻧﮩﯿﮟ ﮨﻮﺗﺎ ﻟﯿﮑﻦ ﯾﮧ ﻟﻮﮒ ﯾﮧ ﺁﺋﻞ ﭘﮑﻮﮌﮮ ﺳﻤﻮﺳﮯ ﺗﻠﻨﮯ ‘ ﺑﺴﮑﭧ ﮐﯿﮏ ﺑﻨﺎﻧﮯ ﺍﻭﺭ ﻣﭩﮭﺎﺋﯿﺎﮞ ﺗﯿﺎﺭ ﮐﺮﻧﮯ ﻭﺍﻟﻮﮞ ﮐﻮ ﻓﺮﻭﺧﺖ ﮐﺮ ﺩﯾﺘﮯ ﮨﯿﮟ
ﺍﻭﺭ ﯾﮧ ﻟﻮﮒ ﯾﮧ ﺁﺋﻞ ﮨﻤﺎﺭﮮ ﻣﻌﺪﻭﮞ ﻣﯿﮟ ﺍﻧﮉﯾﻞ ﺩﯾﺘﮯ ﮨﯿﮟ ‘ ﺩﻭﺩﮪ ﻣﯿﮟ ﮐﯿﺎ ﮐﯿﺎ ﻣﻼﻭﭦ ﮨﻮﺗﯽ ﮨﮯ ﺍﻭﺭ ﭼﺎﺋﮯ ﮐﯽ ﭘﺘﯽ ﺍﻭﺭ ﭘﺎﻧﯽ ﻣﯿﮟ ﮐﯿﺎ ﮐﯿﺎ ﮨﻮ ﺭﮨﺎ ﮨﮯ ‘ ﯾﮧ ﺍﺏ ﮈﮬﮑﯽ ﭼﮭﭙﯽ ﺑﺎﺕ ﻧﮩﯿﮟ ﺭﮨﯽ ‘
ﮨﻢ ﮐﺘﻨﮯ ﺑﺪﻧﺼﯿﺐ ﻟﻮﮒ ﮨﯿﮟ ‘ ﮨﻢ ﺧﻮﺭﺍﮎ ﮐﮯ ﺩﺭﻧﺪﻭﮞ ﺳﮯ ﺑﭻ ﺟﺎﺗﮯ ﮨﯿﮟ ﺗﻮ ﮨﻢ ﮈﺍﮐﭩﺮﻭﮞ ﮐﮯ ﻗﺎﺑﻮ ﺁ ﺟﺎﺗﮯ ﮨﯿﮟ ﺍﻭﺭ ﯾﮧ ﻇﺎﻟﻢ ﭼﮫ ﮨﺰﺍﺭ ﺭﻭﭘﮯ ﮐﺎ ﺳﭩﻨﭧ ﺩﻭ ﻻﮐﮫ ﺭﻭﭘﮯ ﻣﯿﮟ ﮨﻤﺎﺭﯼ ﻧﺴﻮﮞ ﻣﯿﮟ ﭨﮭﻮﻧﮏ ﺩﯾﺘﮯ ﮨﯿﮟ ﻟﯿﮑﻦ ﺣﮑﻮﻣﺖ ﻧﻮﭨﺲ ﻟﯿﻨﮯ ﮐﮯ ﻋﻼﻭﮦ ﮐﭽﮫ ﻧﮩﯿﮟ ﮐﺮﺗﯽ ‘
ﺍﻥ ﮐﯽ ﺩﻭﮌ ” ﮨﻢ ﻣﺠﺮﻣﻮﮞ ﮐﻮ ﻗﺮﺍﺭ ﻭﺍﻗﻌﯽ ﺳﺰﺍ ﺩﯾﮟ ﮔﮯ “ ﺗﮏ ﻣﺤﺪﻭﺩ ﺭﮨﺘﯽ ﮨﮯ۔ﻣﯿﺮﯼ ﺣﮑﻮﻣﺖ ﺳﮯ ﺩﺭﺧﻮﺍﺳﺖ ﮨﮯ ﺁﭖ ﺧﻮﺭﺍﮎ ﺍﻭﺭ ﺍﺩﻭﯾﺎﺕ ﮐﮯ ﻣﻌﺎﻣﻠﮯ ﭘﺮ ﺧﻮﻓﻨﺎﮎ ﺍﺗﮭﺎﺭﭨﯽ ﺑﻨﺎ ﺩﯾﮟ ‘ ﺁﭖ ﺍﺗﮭﺎﺭﭨﯽ ﮐﻮ ﻭﺳﯿﻊ ﺍﺧﺘﯿﺎﺭﺍﺕ ﺩﯾﮟ ‘ ﮐﮍﯼ ﺳﺰﺍﺋﯿﮟ ﻃﮯ ﮐﺮﯾﮟ ﺍﻭﺭ ﻣﻠﮏ ﻣﯿﮟ ﺟﻮ ﺑﮭﯽ ﺷﺨﺺ ﺧﻮﺭﺍﮎ ﺍﻭﺭ ﺍﺩﻭﯾﺎﺕ ﻣﯿﮟ ﻣﻼﻭﭦ ﮐﺎ ﻣﺮﺗﮑﺐ ﭘﺎﯾﺎ ﺟﺎﺋﮯ ﯾﺎ ﯾﮧ ﻏﻠﻂ ﺭﭘﻮﺭﭦ ﺟﺎﺭﯼ ﮐﺮﮮ ﺍﺳﮯ ﻋﺒﺮﺕ ﻧﺎﮎ ﺳﺰﺍ ﺩﯼ ﺟﺎﺋﮯ ‘ ﺍﺳﮯ ﺧﻮﻓﻨﺎﮎ ﻣﺜﺎﻝ ﺑﻨﺎ ﺩﯾﺎ ﺟﺎﺋﮯ۔
ﺁﭖ ﯾﻘﯿﻦ ﮐﯿﺠﺌﮯ ﭼﯿﻦ ﻧﮯ ﺍﺏ ﺗﮏ ﮊﯾﻨﮓ ﮊﯾﺎﻧﻮ ﺍﻭﺭ ﮐﺎﺅ ﺯﯾﻦ ﺯﻭﻧﮓ ﺟﯿﺴﮯ ﺻﺮﻑ ﺩﺱ ﻟﻮﮔﻮﮞ ﮐﻮ ﺳﺰﺍﺋﮯ ﻣﻮﺕ ﺩﯼ ‘ ﭼﯿﻦ ﻣﯿﮟ ﺍﺱ ﮐﮯ ﺑﻌﺪ ﮐﺴﯽ ﻧﮯ ﺩﻭﺍﺀﺍﻭﺭ ﺧﻮﺭﺍﮎ ﻣﯿﮟ ﻣﻼﻭﭦ ﮐﯽ ﺟﺮأﺕ ﻧﮩﯿﮟ ﮐﯽ ‘ ﺍﺏ ﺗﮏ ﮐﺴﯽ ﺍﮨﻠﮑﺎﺭ ﻧﮯ ﻏﻠﻂ ﺩﻭﺍﺀﺑﮭﯽ ﺭﺟﺴﭩﺮ ﻧﮩﯿﮟ ﮐﯽ ‘ ﮨﻢ ﺑﮭﯽ ﺍﮔﺮ ﺍﭘﻨﮯ ﻟﻮﮔﻮﮞ ﮐﻮ ﺻﺤﺖ ﻣﻨﺪ ﺩﯾﮑﮭﻨﺎ ﭼﺎﮨﺘﮯ ﮨﯿﮟ ﺗﻮ ﮨﻤﯿﮟ ﺑﮭﯽ ﮐﺒﮭﯽ ﻧﮧ ﮐﺒﮭﯽ ﯾﮧ ﮐﺮﻧﺎ ﮨﻮﮔﺎ
ﻭﺭﻧﮧ ﺩﻭﺳﺮﯼ ﺻﻮﺭﺕ ﻣﯿﮟ ﻟﻮﮒ ﺧﻮﺭﺍﮎ ﺳﮯ ﻣﺮﺗﮯ ﺭﮨﯿﮟ ﮔﮯ ﯾﺎ ﭘﮭﺮ ﮈﺍﮐﭩﺮﻭﮞ ﮐﮯ ﮨﺎﺗﮭﻮﮞ ﺫﺑﺢ ﮨﻮﺗﮯ ﺭﮨﯿﮟ ﮔﮯ !!!
852 total views, no views today
