بجلی دو روپے چوبیس پیسے فی یونٹ مہنگی کرنے کا نوٹی فکیشن جاری

اسلام آباد: نیپرا نے ڈسٹری بیوشن کمپنیوں کی درخواست پر بجلی 2 روپے 24 پیسے فی یونٹ مہنگی کرنے کا نوٹی فکیشن جاری کردیا تاہم اس کا اطلاق پچاس یونٹ ماہانہ استعمال کرنے والوں، کراچی الیکٹرک اور پیسکو صارفین پر نہیں ہوگا۔ نیپرا نے بجلی کی قیمتوں میں اضافہ جنوری کی فیول ایڈجسٹمنٹ کی مد میں کیا ہے۔ جو تقسیم کار کمپنیاں اپنے صارفین سے آئندہ ماہ ملنے والے بلوں میں وصولی کریں گی۔

بجلی کی نرخوں میں اضافے کا اطلاق پچاس یونٹ ماہانہ استعمال کرنے والے گھریلو صارفین پر نہیں ہوگا۔ اس کے علاوہ کراچی الیکٹرک اور پیسکو کے صارفین بھی اس اضافے سے مستثنیٰ ہوں گے۔

واضح رہے کہ نیپرا نے 13 جنوری کو تقسیم کار کمپنیوں کی درخواست پر فیول ایڈجسٹمنٹ کی مد میں فی یونٹ 2روپے 24 پیسے کا اضافہ منظور کیا تھا۔

437 total views, no views today